Adngeyen Mu a Vakes Ku
Adngeyen mu a vakes ku Ta sira’w manumanuk A micharayarangereng Du xuned michakayuhan.
Tiban mu tuxus a asul Abneken da su xañit A umsaxukeb jaten Du atep nu mundu’aya.
Ah nu akma diyaken A marawet su palak Am an du kwanasaw Am nu kapayvinuvinuxu.
Mayalalayra
Malimeng ka mavid a vuñitan. Tayatayaynep ka nu pahad ku A uyud ku’a ichaddao. A uyud ku’a ichaddao.
Mayalalayra dana u Valugan Dumada dana’w masehdang a vituhen A tumuruh su riyal du pahad ku Ta madiman aku’anu di ku’imu’a vuya.
Unta Makey ka manala Su gumtus a vituhen Yapud’ hañit?
An manehdang u Valugan Tarek naymu’a palawen su addao Ka dimu’a makapanmwan siya A unungan u addao ku.
Sinu ka umhavahavas
Sinu ka umhavahavas Du hardin ku’a paywayaman? Ichapatak dan’ kametdehan Savung nu addao a di pa namuskay.
Miyan paw dekey a rayon Katatavan dan’ manumanuk. Malutulut ava’w salawsaw Mamasapas su asin’ kayu.
Maymuhamuha Ku
Maymuhamuha ku Su kachid nu naha Tumuvu am sudi Umsi am manga
Du kavulas ku siya’m Na navaya kapaya. Gumtus du tana’m Mavid a mavakes.
Kavuyavuyan Ku Na Siya
Kavuyavuyan k una siya’w taaw ayad’ Valugan A umpahupahung a di’a vuyas’ pamandan. Ispihu nu maydak a demdem du tuhus A niyaya’u pakayapwan nu addao ku nimu.
Atburan nu kayayakan U mavakes awri a Ivatan Aran makasiyasi’m Manamunamu su tawul as kanu nakem.
Pamarin pa yaken su avang ku’a mahni Sakayan ku’a mangwan di’Vatan Dumada dana’w araw du kavahayan du Di’Vatan Am ka’ya’yan ku naw’ di makawayak nimu.
Dekey a Kabayu
Miyan dekey a kabayu ku Mayngaran su Daple Gray Pinavuhud ku du mavakes Pinangwan na du marayi.
Iniplutan as inatetekan Pinaywayam da du kahutan. Pirwahen ku’ava ipavuhud Aran raku anti dana.
Nu Araw An Mavekhas
Nu araw an mavekhas Tumiñi du tukun. Umararaw du rosas Du bintan a umdivun.
Ma’ya’yak u tawul ku Du nakadngey ku siya. U tiwayway du kayu A mayvayvadak.
Tralala Lakwatiti Ipayayak da Nu tawutawu du kavahayan du Batanes.
Savusavung Ku’a Magla
Savusavung ku’a magla A uyud ku’a ichaddao. Maparin ku naw’ madiman An matarek ichaddao mu.
Anevan mu naw’ tawul mu As kavidin mu na diyaken A ichaddao a manda Du uras nu kadiman ta.
Track Name
Track Artist