Asa Kahep
Asa kahep a mahanebneb Du karyal nu vuhan Manalasal u apun Du huvuk nu kamuhamuhan
Tawul ku’am chinandadwan Pinuspusan ku’a iwangan Makayamut du avid mu Abu su kapalit
Angu promesa mu Vinata mu diyaken? Sinu pa u mahakay A matarek a ichaddao ku?
Makavuya ka pa’nti Su maypavid pa kan yaken. Aryan mu’ava yaken Du huvuk nu pandidiwan.
An Kalilyak
An kalilyak mu’am yaken pinidi mu Du umlivulivu sira’ya savusavung.
Du panayahbwan nu asul aya hañit A di’a vudinas du tawul ku.
Ay su asdep nu chirin mu A ipangutap mu du akma diyaken A marahet su palak.
Mareklas u Daddan
Mareklas u daddan nu araw an rumyal Sehdang nu hañit a umasul. Atburan nu kayayakan as addaw Du atavu’a tawu du Batanes.
Chorus:
Rarahen namen inyu’a kaydian atavu Ma’sa manidung mapangtu, Maywaya mapasad as maymuhamuha Du ngaran dekey a tana.
Nu limeng nu rosas anu malatyat Tumuruh su ayet nu malijat Nu asi nu tana unungan kaynenen Nawri su amwamuhenen.
Uyud a Masdep u Kaviyay
Uyud a masdep u kaviyay Kavahayan kud’ Batanes. Ara’va u mapteng Anu uyud ta mapangtu.
Kavahayan namen a Ivatan Aran uyud a makasyasi Nu pangtu kanu pasinsya Nawri u kaynakman namen.
Vituhen du Daddan
Vituhen du daddan a gumintin Du tana’w ri du kaydawran Sumnuhus rarahan may dinyu A rapirapiten du kaddao namen ninyu.
Nu dadwaw’ ri’a ka mata mu A itideb mu diyaken An chuwa an madiman aku Mirwa ku mayvangun a kapachipa’yak dimud’ hañit
Vituhen du daddan a gumintin Du tana’w ri a kapapawan Nu sehdang nu riyal mu’am naw ri U tuvatuva du tawul ku a mandidiew
Kavahayan di Vatan
Kavahayn ta di’Vatan Pinayvuyan ta Du lawngan nu rakuh a Savidug A divunan da nu aru’a kudibabang Du sinmu nu vanua Ivatan
Ara mu manakem u vinata ku U ka imu n ani chinaddao ku? Ara mu pa tuviran u pinayvidyan ku Du kaddao mu niyaken?
Tiban Mu Ta Taytu Ku Diya
Tiban mu ta taytu ku diya A umnapanaya dimu Nu makasiyasi aya Addao ku a manamunamu
Tiban mu riyal nu vituhen Kanu sehdang nu vuhan A makaydamdam su tawul Ku’a maddao nimu.
As angu paru kaparin Chinarwan mu diyaken? Ichasi mu paru ava U makasiyasi’aya kaparin ku?
Anu di’a sakangu as Mirwa ka mayvidi diyaken, Am siguruhen mu Ka imun’ ichaddao ku. (inayayi)
Nakayapu
Nakayapu du nakavuya ku dimu’am na niyeng ka A machipasek du tawul ku’a manda sichanguriaw Ara pava’w matarek ichaddao di’a vuken a’imu
As panapanayahen k una u vahes nu matanuy a kapachinulay Nadngey k una ta nu liyak mu’am akmay yeng nu pulak As nu vuk mu’am akmay vuhawan
As nu tawul mu’am akmay asero As panapanayahen k una u vahes nu matanuy a kapachinulay.
Track Name
Track Artist