Sira u Pagad Namen
Sira u pagad namen Mayjurugud sas’ tangkal Yanan nu ichan ta Pangwan da du Diahang.
Guruguden dad’ kahutan Itayara dad’Chavuan. Iyusuk da iyangay du iraya du Diahang.
Mañitay kamu na Maymuha kamu na. Angu u ichan ta? Manuk, miki, sardinas.
Hapen niyu naw’ iswan As kasitnan niyu na Panmahen ta muhan Manam pawuknuran.
Ina
Nawara ku’a tawu Minaytawu du vedek mu Tinuruh mu viyay ku Du sidung na nu Dios A manda sicharaw. Du kasun a ichehan ku Tayayanan mu An tumañis aku Anu mapteng aku’m Pasusuhen mu yaken
As anu miyan u ganit ku, Tumañitañis ka mu ina Diya makapanmu siya An angu pariñen Du ichaddao mu manganak. Vuyawen sa u tameneng A makey a sumuñit jaken Du mahanebneb a ahep Kepkepen mu yaken Nu makuhat a addao mu.
Nu asa ka kakuvet An mana ichaddao ta Masunung a chitahen Du atu nu tana’ya An masivah ta. Amna nu asa ka ina An madiman Piyan mirwa mavuya Piyan mirwa ta mavuya Mirwa ta mawara.
Mañina ka mu ina du tawul ku Aravaw pachalitan mu An abu kad viyay ku Am chapanmu ku’ava An angu pariñen. Arava’w sinmu nu kaynakman An abu ka ichaddao ku’a ina. Imu vuhawan ku Abu su kaswaran Du paytavwan nu viyay ku.
Kavahayan Ta’ya Ivatan
Kavahayan ta’ya Ivatan A uyud a makadaddao. Angu paru u miyan aya dimu A maypirmi da ichakey a mavuya? Yamen aya miyan aya diya Mavid su anud du asa diyaten. Mapapangtu, mangangavid, miyan su añib Niyaya’w kaparin namen nu ichasaray ku a kaidian.
Kavahayn ta’ya ichaddao Mañina ka akmay vuhawan. Unungan ta su uyud a mapiya. Mavid aya idadakay ta. Ta niyayas’ tumuruh diyaten Su ichavidin ta maychakaddao. Masiyasidung diya machipahupag Su ichapya nu kavahayan ta’ya.
Kaydian a Ivatan Rarahen namen inyu Mayi kamu na diya A machiparahmet jamen. Makasa ta Maychakaday A mavidin a maysirbi Du kavahayan ta’ya Ivatan
Kakteh
Ay! Su asdep nu miyan su kakteh Miyan umagum dimu Anu miyan tumetek dimu. Miyan paw mapayayak An miyan du kangengsahan. U umayub dimu an nakapaynepdep ka, Kwana ni Ina kani Ama diyaten “Mayvuyvuhud u araw kanu ahep a mavidin kapaychakteh niyu. Maysubna kamu avas’ maychakaddao kamu As kapakapya niyu su anud niyu.”
Miyan paw tiempo nu ka diya maypapanmwan Pipyahen u kayvan kan’ rumanes a kakakteh Am an mawara’w rakuh a pandidyiwan Am imu’a kakteh ku chitachitahen. Rakuh u saray anu miyan u kakteh Mañina’w addao mu du tana’ya. Abus’ makaparin siya abdibdisen Dios danaw’ umvahes du kapyan mu.
Yaken am Ivatan
Yaken am Ivatan A minyapu du Batanes. Maytaketakey, mañiñidungen as masisyen. Chinarwan ku’imu su mayendes a tiempo Natda du kadwan a marayi a kavahayan Makayamut du kakey ku a mapaypapyas’ viyay ku Du mananam pa sira’ya araw.
Ivatan aku! Dawri u chinawaran ku. Pinayparakuhan as chinaviyayan ku Atavu u mangangavid a napaparin ku du viyay ku Du kavahayan ta’ya u chinapariñan na.
Kawayakan ku’ava u tana nituvwan ku Aran maypasulib, maypaynakem as mayparu kayvan ku Mavidin ka machipuntad’ irahem nu tawul ku A payvividyan ku’a turuhan su kaynakman ku. Tawatawagan ku’imu du marayi Kalukaluhen a mayid’ kaidian mu.
Mayvuchideng
Mayvuchideng ta atavu A maychakaydian A manapanaya siya Su masngen araw
U kapatudah da siya jaten U premyo nu kapsekan, Tumyud, as kanu disiplina, Ayet as angdet nu Ivatan.
Ichaddao ku a kavahayan A mayngaran su Batanes A paytavwan ku su ayet ku Ichaddao ku a Batanes
Kavahayn a itagem ku Kavahayn a kepkepen ku Mangay ta na dumgey su nawan DU kavahayan.
O, Maryal a Vuhan!
O, maryal a vuhan, Sulyatan mu pa yaken Du masari a panahanan A dimu a iyavayava. O, maryal a vuhan Sulyatan mu pa yaken Du masari a panahanan Tapyan di akus’ maychawaw.
An kawayakan mu na U promesa mu diyaken, Pipyahen kadiman ku. O, vuhan rawaten mu U addao diya mayñuha Papirwahen mu’a naknakmen Pirwahen my naknakmen an piyahen mu.
Track Name
Track Artist