Yahes Mu Du Vituhen
Yahes mu du vituhen An angu itañis ku’a kahahep. Yahes mu’an sinu chitahen ku Du ka’yan ku du karwarwan. Yahes mu du taaw a marahem An dinu ngan nu chinarem ku. Yahes mu du mundu a umdivun dimu O su dayñen nu didiwen ku.
Kawayakan mu’ava Ta ichaddao ku’imu Anghen ku viyay An di ku’imu’a vuya? Arava’w ichaddao ku Du atun’ tana ‘ya Aravaw ichaddao ku A vuken dimu.
Yaken Paru
Yaken paru miyan du nakem mu? Yaken paru di’a makanakem? Nakayapu du araw du araw nakavuya ku dimu Am napanmu ku’ava kawayakan.
Nu vinata mu aya diyaken Mandad kadiman am miyan ka diyaken. Napnu nu suyut u tawul ku Aravaw pachalitan saray ku nimu
Panapanayahen ku naw araw Pañipañitahen addao mu niyaken Ivahey mu pa su Makalu Tan nawri’as ja kuna a mangsahan
Kayvan Ku Mañina
Mayvangun ka na As katideb mu du daddan Du avid nu araw Kavuyan su suyut. Umayam ka ana As katideb mu du umdivun A uyud a matanuy Chitan mus’ suyut mu’a ichaddao.
Kayvan ku a mañina Uyud a rakuh kahuhu ku niya Nakavuya ku dimu’a uyud a masuyut. Anu mayanung as maparin A pavawahen u atavu Tumuruh su kangengsahan. Uras Dana Uras danan’ mayanung a kapayvawa ta Chumita su kapaypapya Su mananam a viyay ta.
Mangsah kava Siguraduhen ku dimu U ka di ku’a makawayak nimu. Anu mahep am tayatayaynepen ka As an maraw am chitahen ku’imu Mayfirmi a miyan du tawul ku U addao ku nimu kanu addao mu niyaken. Mayvidi aku a tumidib dimu Mirwa ku pa’nti ya Chitahen u _____ ta
Miyan Sa’w Binatilyo
Miyan sa’w binatilyo Nakasuot so low-waist A mayfirmi’a mamulsa A pirmi a miyan du kalye.
Pinaytulasan da yaken Su Inglis kan Tagalog Paliren namen u tulas da Akmay chinadkad nu manuk.
Ma’day su tulas da Am nu ka’uyud nu addao da Forever and “pexman” Tud maydaday abus’ pandan
“My darling. O, giliw,” Aran kapusin Inglis namen Am kayan nu ka di na Abdyabdisan addao namen.
As yaten a mavavakes Adpang ta pa chalutud nu avid Ta du dekey a tiempo Am nu kapaypanepanehseh ta.
As inyu a mahahakay Am an miyan pa u ichaddao niyu Kavyaviren pa’w tulas Tapyan ja paychayayakan.
Track Name
Track Artist